Shymkentten Taılandqa jańa áýe baǵyty iske qosylady

ASTANA. KAZINFORM – Búginnen bastap qazaqstandyq «SCAT» áýe kompanııasy Shymkent – Bangkok baǵyty boıynsha Taılandqa jańa áýe baǵyty ashyldy. 

Qazaqstan Respýblıkasy Kólik mınıstrligi ushý geografııasyn keńeıtý jáne halyqaralyq reıster sanyn arttyrý baǵytynda turaqty jumys júrgizip jatyr.

— Búginnen bastap qazaqstandyq «SCAT» áýe kompanııasy Shymkent — Bangkok baǵyty boıynsha Taılandqa jańa áýe baǵytyn ashyp otyr. Reıster aptasyna 2 ret — dúısenbi jáne beısenbi kúnderi — «Boeing 737 MAX 8» jáne «Boeing 737–800» tıpti áýe kemelerimen oryndalatyn bolady, — delingen Kólik mınıstrligi habarlamasynda.

Atalǵan áýe qatynasynyń ashylýy eki el arasyndaǵy saýda-ekonomıkalyq, týrıstik jáne iskerlik yntymaqtastyqtyń odan ári damýyna yqpal etedi dep kútilip otyr. 

Aıta ketelik Shymkentten Grýzııaǵa jańa áýe baǵyty iske qosylatyny týraly jazǵan edik.