Shymkentten Grýzııaǵa jańa áýe baǵyty iske qosylady

ASTANA. KAZINFORM – 15 jeltoqsannan bastap qazaqstandyq «SCAT» áýe kompanııasy Shymkent – Tbılısı baǵytynda jańa áýe reısin iske qospaqshy. Bul týraly Kólik mınıstrligi málim etti. 

Kólik mınıstrligi ushý geografııasyn keńeıtý jáne halyqaralyq reıster sanyn arttyrý baǵytynda turaqty jumys júrgizip keledi.

— 15 jeltoqsannan bastap qazaqstandyq «SCAT» áýe kompanııasy Shymkent — Tbılısı baǵyty boıynsha Grýzııaǵa jańa áýe baǵytyn iske qosty. Reıster aptasyna 2 ret — dúısenbi jáne juma kúnderi — «Boeing 737 MAX 8» jáne «Boeing 737–800» tıpti áýe kemelerimen oryndalady, — delingen habarlamada.

Atalǵan áýe qatynasynyń ashylýy eki el arasyndaǵy saýda-ekonomıkalyq jáne týrıstik yntymaqtastyqtyń odan ári damýyna yqpal etedi dep kútilip otyr.

Eske sala keteıik, buǵan deıin Túrkistannan Ózbekstannyń úsh qalasyna jańa áýe reısi ashylǵanyn jazǵan edik.