Shymkentten Bakýge tikeleı reıs ashylady
ASTANA. KAZINFORM — Azerbaijan Airlines 16 maýsymnan bastap Shymkent — Baký baǵyty boıynsha turaqty reıster ashady.
Reıster aptasyna eki ret — seısenbi jáne senbi kúnderi oryndalady.
Jańa baǵytty iske qosý aıasynda «QazMunaıGazdyń» enshiles uıymy — KMG-Aero men Azerbaijan Airlines arasynda Shymkent halyqaralyq áýejaıynda áýe kemelerine «qanatqa quıý» júıesi arqyly janarmaı jetkizý jóninde kelisim jasaldy.
Kompanııa málimetinshe, otynmen qamtamasyz etý halyqaralyq qaýipsizdik, sapa jáne operatsııalyq senimdilik talaptaryna saı júrgiziledi.
«KMG-Aero» sheteldik áýe tasymaldaýshylarymen seriktestikti keńeıtý kompanııanyń Qazaqstandaǵy jetekshi avıaotyn operatorlarynyń biri retindegi ornyn nyǵaıta túsetinin atap ótti.
Jańa áýe baǵyty kólik-logıstıka áleýetin damytýǵa, óńirlik áýejaılardyń jumysyn jandandyrýǵa jáne Qazaqstan naryǵyna sheteldik áýe kompanııalaryn kóbirek tartýǵa múmkindik beredi.
Aıta keteıik, buǵan deıin QR Kólik mınıstri Nurlan Saýranbaev turaqty ishki áýe reısterin qosylǵan qun salyǵynan bosatýdy usynǵan edi.
