Shymkenttegi «Jeńis» saıabaǵynda jylan júr
Shymkenttegi «Jeńis» saıabaǵynda jylan júr, dep habarlaıdy QazAqparat tilshisi.
Shymkent qalasy Tótenshe jaǵdaılar departamentiniń «112» Qutqarý qyzmetine habarlasqan turǵyndar qala ortalyǵynda ornalasqan «Jeńis» saıabaıaǵynda jylan júrgenin aıtqan. 6 mınýt ishinde oqıǵa ornyna jetken qutqarýshylar perımetr boıynsha izdestirý jumystaryn júrgizgen. Degenmen, saıabaq aýmaǵynda jylan tabylmady.
«Jelidegi jarııalanǵan fotosýrettegi jylannyń syrtqy erekshelikterinen qarashubar jylan ekenin kórýge bolady. Jylannyń bul túri adamdarǵa qaýip tóndirmeıdi. Degenmen kezdesken kezde abaı bolyp, olarǵa agressıvti kúsh kórsetýdiń qajeti joq», - delingen Shymkent qalasy TJD qoǵammen baılanys toby taratqan aqparatta.
Aıta keteıik, Shymkenttik qutqarýshylar jyl basynan beri 128 ret jylan aýlaýǵa shyqqan. Sonyń 86 shaqyrtýy boıynsha jylandy aýlap, qaýipsiz aımaqqa shyǵardy. Shaqyrtýlardyń eń kóbi mamyr aıynda tirkelgen. ıAǵnı, 35 ret shaqyrtý alǵan.
Jalpy ótken jylmen salystyrǵanda qalada jylan aýlaý kórsetkishi men shaqyrtýlar sany eki esege ósken.