Shymkenttegi turǵyn úıde birneshe adamnyń ólimine qatysty iste kúdiktiler qashan anyqtalady

ASTANA. KAZINFORM — Іshki ister mınıstriniń orynbasary Sanjar Ádilov Shymkentte kópqabatty úılerdiń birinde birneshe adamnyń ólimine qatysty isti tergeý boıynsha túsinik berdi.

- Qylmystyq kodekstiń 306-baby (Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý) boıynsha is qozǵaldy. Bul derekke qatysty tergeý toby jumys istep jatyr. Keshe ǵana oqıǵa ornyna sot-saraptama ortalyǵynyń mamandary bardy. Osy oraıda keshendi sarapta jasalady, - dedi S. Ádilov Senatta tilshiler suraǵyna jaýap bere otyryp.

Onyń aıtýynsha, saraptama nátıjesi boıynsha kúdiktiler anyqtalady.

Budan buryn habarlanǵandaı, jaqynda Shymkentte kópqabatty úılerdiń birinen 4 adamnyń máıiti tabyldy. Aldyn ala málimetke sáıkes, olar gazdan ýlanǵan bolýy múmkin.