Shymkenttegi sý mekemesi memleket menshigine tolyq qaıtaryla ma

ShYMKENT. KAZINFORM – Sý resýrstary kompanııasynyń 30 paıyzǵa jýyq aktsııasy memleketke tıesili. Qazir qalǵan bóligin tolyqtaı memleketke qaıtarý jumystary júrgizilip jatyr.

Búgin Ortalyq kommýnıkatsııalar qyzmetinde ótken brıfıngide Shymkent qalasynyń ákimi Ǵabıt Syzdyqbekov «Sý resýrstary marketıngi» mekemesin memleket menshigine qaıtarýǵa qatysty pikir bildirdi.

– Kez kelgen strategııalyq nysan memlekettiń menshiginde bolýy tıis. Sol qaǵıdatty eskere otyryp, bul máseleni qolǵa aldyq. Birinshi satydaǵy sotta biz jeńdik. Qazir appelıatsııalyq satysynda. Jumystar jalǵasyp jatyr. Sottyń sheshimin kútemiz, – dedi ol. 

Sondaı-aq ákim strategııalyq nysandardy qaıtarǵannan keıin olarǵa zamanaýı tehnologııalardy paıdalana otyryp, tıisti jumystar atqarylatynyn atap ótti. 

– Biz qazir ózimizge tıesili sý qubyrlary mekemesin frantsııalyq kompanııaǵa senimgerlik basqarýǵa berý boıynsha jumys júrgizip jatyrmyz. Odan bólek, «Qýatjylý» ortalyǵy mekemesi bar. Bul – qalany jylýmen qamtamasyz etetin birden-bir mekeme. Osy ekeýin frantsııalyq kompanııaǵa berip, jańa tehnologııalardy alý kózdelip otyr. Mundaǵy maqsatymyz – halyqqa shyn máninde qolaıly jaǵdaı jasaý, – dep naqtylady ol.

Budan buryn Shymkentte kásipkerler sany 141 myńǵa jetkenin jazǵan edik.