Shymkenttegi shalǵaı aýdandardyń turǵyndary úshin kólik qoljetimdiligi artty
ShYMKENT. KAZINFORM – Qalada avtobýs marshrýttary jańartyldy.

Ózgerister qalalyq kóliktiń bes negizgi baǵytyna áser etti. Ásirese, sońǵy aıaldamasy shalǵaı eldi mekenderde bolatyn «Ortalyq bazar – Temirjol vokzaly» baǵytyna erekshe nazar aýdarylady.
Atalǵan baǵyt boıynsha 1 sáýirden bastap jolaýshylarǵa qyzmet kórsetile bastady.
№144 (Aınatas – TJV – Ortalyq bazar) – 6 avtobýs, 12 mınýt ınterval.
№144A (Jylanbuzǵan – TJV – Ortalyq bazar) – 10 avtobýs, 12 mınýt ınterval.
№144B (Eltaı – TJV – Ortalyq bazar) – 4 avtobýs, 24 mınýt ınterval.
Sondaı-aq №143, 144 marshrýttarǵa qosymsha kesteler engizildi. Al, №142 jáne №143 marshrýttary 15 jańa shaǵyn avtobýspen tolyqtyryldy. Barlyq jańa shaǵyn avtobýstar jaıly oryndyqtarmen jáne salqyndatqysh júıesimen jabdyqtalǵan.
Marshrýttar boıynsha jumys kestesi:
№142 – 5 avtobýs, 12 mınýt ınterval.
№143 – 7 avtobýs, 12 mınýt ınterval.
– Bul ózgerister Jolaýshylar kóligi jáne avtomobıl joldary basqarmasy men tasymaldaýshylar arasyndaǵy kelisim negizinde júzege asyrylyp jatyr, - dep habarlady basqarmanyń baspasóz qyzmeti.
Aıta keteıik, budan buryn Shymkentte SOS batyrmalary kóbeıgenin jazǵan bolatynbyz.