Shymkenttegi saılaý ýchaskelerinde mýzykalyq súıemeldeý uıymdastyryldy
ShYMKENT. KAZINFORM — 23 tamyz — Qazaqstan tarıhyndaǵy alǵashqy Quryltaı saılaýy ótip jatqan mańyzdy kún.
Osyǵan oraı Shymkenttegi barlyq saılaý ýchaskelerinde mýzykalyq súıemeldeý uıymdastyrylyp, daýys berýge kelgen turǵyndarǵa kóterińki kóńil kúı syılandy.
Merekelik áýender saılaý ýchaskelerindegi jaǵymdy ahýaldy qalyptastyryp, azamattardyń mańyzdy qoǵamdyq saıası naýqanǵa belsendi qatysýyna áser etti.
Máselen, Kórme ortalyǵynda ornalasqan № 360 saılaý ýchaskesinde de tańerteńnen mýzykalyq baǵdarlama uıymdastyryldy.
Bul ýchaske Kórme ortalyǵynda alǵash ret ashylyp, 1870 saılaýshyǵa qyzmet kórsetip jatyr. Munda saılaý komıssııasynyń 7 múshesi jumys istep jatyr.
Jalpy, Shymkenttegi saılaý ýchaskelerindegi mýzykalyq súıemeldeý turǵyndarǵa merekelik kóńil kúı syılap, saılaý kúniniń mańyzyn aıshyqtaı tústi.
