Shymkenttegi saıabaqtardyń ornyna turǵyn úı kesheni salynbaıdy — Sársen Quranbek

ShYMKENT. KAZINFORM — Qalada saıabaqtardy kóbeıtý jumystary qolǵa alyndy.

Shymkent qalasy ákiminiń orynbasary, resmı ókil Sársen Quranbektiń sózine súıensek, aldaǵy ýaqytta megapolıste saıabaqtar men alleıalar kóbeıetin bolady. Al, «saıabaqtardyń ornyna turǵyn úı salynady» dep kópshiliktiń aıtyp júrgen áńgimesi jalǵan. 

— «Keń baba» men «Qııal álemi» saıabaǵynda qoldanystaǵy zańnamanyń barlyǵy buzylǵan. Sol sebepti qaıtaryp alyp jatyrmyz. Onyń ornyna kópqabatty turǵyn úı salynady eken degen áńgime júrip jatyr. Munyń barlyǵy jalǵan. Sizder arqyly kópshilike aıtqymyz keledi. Bul saıabaqtardyń ornyna birde bir kóp qabatty turǵyn úı kesheni salynbaıdy. Saıabaq sol kúıi saıabaq bolyp qalady, — dedi Sársen Quranbek.

Sondaı-aq, resmı ókil qalada saıabaq pen alleıalardy kóbeıtý — qala ákimdiginiń alǵa qoıyp otyrǵan negizgi maqsaty, mindeti ekendigin jetkizdi. 

— Ótken jyly 26 saıabaq pen alleıa bıznestiń esebinen iske qosyldy. Sondaı-aq, bul maqsatta qaladaǵy kanaldardyń barlyǵy tazalanyp, ırrıgatsııa júıesi retke keltirilip jatyr, — dedi ol. 

Aıta keteıik, budan buryn Sársen Quranbek Shymkent qalasy ákimdiginiń resmı ókili bolyp bekitilgenin jazǵan bolatynbyz.