Shymkenttegi «polkovnık saraıy» týraly feık qylmystyq iske ulasty

ShYMKENT. KAZINFORM — Shymkent qalasy polıtsııa polkovnıginiń sán-saltanatty záýlim úıi týraly áleýmettik jelilerde taraǵan aqparat shyndyqqa janaspaıdy. Bul málimetti QR Іshki ister mınıstrligi joqqa shyǵardy.

Áleýmettik jelilerdegi kezekti «sensatsııa» qylmystyq ispen aıaqtaldy.

Internet keńistiginde Shymkent qalalyq polıtsııasynda qyzmet etetin polkovnık Qurmanbek Sahovtyń dendrosaıabaq mańynda záýlim kottedji bar degen mazmundaǵy vıdeo taraǵan.

Vıdeony túsirgen adam bul úıdiń mármármen árlengenin, al jalpy aýmaǵy tórt myń sharshy metrden asatynyn málimdegen.

«Kazinform» agenttiginiń resmı saýalyna jaýap bergen QR Іshki ister mınıstrligi Shymkent qalalyq polıtsııa departamentiniń ózindik qaýipsizdik basqarmasy qyzmettik tekserý júrgizgenin habarlady.

— Vıdeoda kórsetilgen úı polıtsııa qyzmetkerine tıesili emes ekeni anyqtaldy. Jalǵan aqparat taratý faktisi boıynsha qylmystyq is qozǵaldy, — dep málimdedi vedomstvo ókilderi.

Aıta keteıik, budan buryn Shymkentte ákimdiktiń 54 qyzmetkeri qumar oıynǵa boı aldyrǵanyn jazǵan bolatynbyz.