Shymkenttegi órtten 22 jastaǵy azamatty kúıik shaldy

ASTANA. KAZINFORM — Búgin saǵat 15.18-de Shymkent qalasynda turǵyn úıdiń shatyry, garaj jáne jeńil avtokólik órtendi. 

TJM baspasóz qyzmetiniń málimetinshe, 170 sharshy metr aýmaqty qamtyǵan órt saǵat 15.40-ta oqshaýlanyp, 16.13-te sóndirilgen. 

Tilsiz jaýdyń saldarynan 2002 jyly týǵan er adamdy kúıik shalyp, ol aýrýhanaǵa jetkizildi. 

Oqıǵa ornyna TJD jáne Apattar medıtsınasy ortalyǵynan 20 adam jáne 4 tehnıka jiberildi.