Shymkenttegi mýzykalyq sýburqaqtan Qazaqstannyń kórikti jerlerin tamashalaýǵa bolady
ShYMKENT. KAZINFORM — Mýzykalyq sýburqaq shoýy kún saıyn keshki ýaqytta ótedi.
«Shymkent City» saıabaǵynda ornalasqan mýzykalyq sýburqaq zamanaýı beıneproektsııalyq tehnologııamen jańartylyp, kelýshilerge erekshe áser syılap jatyr.
Endi sýburqaq kesheninde Qazaqstannyń jáne Shymkent qalasynyń kórikti oryndary arnaıy beıneproektsııa arqyly kórsetiledi.
Keshen 7 túrli kontýrdan turady, olardyń árqaısysynda jeke sý dınamıkasy men jaryq stsenarııi qarastyrylǵan. Barlyq kontýr túrli tústi jaryqdıodty (LED) júıemen jabdyqtalǵan. Mýzyka men jaryqtyń úılesimdi sınhrondalýy kórermenge erekshe vızýaldy shoý usynady.
Mýzykalyq sýburqaq shoýy kún saıyn keshki ýaqytta ótedi. Ár seans shamamen 10–15 mınýtqa sozylady. Bul qala turǵyndary men qonaqtary úshin keremet keshki demalys ornyna aınalyp otyr.
Aıta keteıik, budan buryn Shymkentte mýzykalyq sýburqaq iske qosylǵanyn jazǵan bolatynbyz.