Shymkenttegi munaı óńdeý zaýytynda avtokótergish aýdarylyp, eki adam qaza tapty
ShYMKENT. KAZINFORM — Qaıǵyly jaǵdaı oqshaýlaý jumystary kezinde boldy. Oqıǵanyń sebepterin arnaıy komıssııa anyqtap jatyr.
Oqıǵa 26 tamyz kúni saǵat 14:30 shamasynda boldy. «PKOP» JShS-niń óndiristik alańyndaǵy oqshaýlaý jumystary barysynda avtokótergish aýdaryldy. Oqıǵa saldarynan merdiger kompanııa «KRS Astana» JShS-niń eki oqshaýlaýshy jumysshysy qaza tapty.
— «PKOP» JShS basshylyǵy qaza bolǵandardyń otbasylary men jaqyndaryna qaıǵyryp kóńil aıtady, — dep habarlady «PetroKazakhstan Oil Products» kompanııasynyń baspasóz qyzmeti.
Qaıǵyly oqıǵanyń sebepterin anyqtaý úshin jumys toby quryldy. Zaýyt qalypty rejımde jumysyn jalǵastyryp jatyr.
Aıta keteıik, budan buryn ekstremıstik áreketterdi nasıhattaǵan shymkenttik 8 jyl 6 aıǵa sottalǵanyn jazǵan bolatynbyz.