Shymkenttegi qurylys jumystaryn eki kompanııa bólip alǵany jaıyndaǵy aqparat jalǵan — ákimdik

ShYMKENT. KAZINFORM — Shymkent ákimdigi qaladaǵy qurylys jumystaryna qatysty taraǵan aqparatqa resmı jaýap berdi. 

Shymkent qalasynyń memlekettik satyp alý basqarmasynyń basshysy Baýyrjan Nııazbekovtyń aıtýynsha qaladaǵy qurylys jumystaryna arnalǵan konkýrstardy eki kompanııa ózara bólip aldy degen aqparat shyndyqqa janaspaıdy.

Sondaı-aq, taǵy tórt kompanııa ekinshi qatysýshy rólderin atqaryp keledi degen aqparat ta jalǵan.

— Árbir konkýrstyń jeńimpazy reıtıngtik baldyq júıede básekelestik negizinde aıqyndalady, — dedi ol.

Al, qala ákiminiń orynbasary Sársen Quranbek konkýrsqa qatysýda eshqandaı shekteý joq ekendigin jetkizdi.

— Qansha kompanııa qatysqysy keledi, shekteý joq. Óziniń áleýetine qaraı arasynda jeńimpaz bolyp jatqandary bar. Іsteletin jumysqa kompanııanyń áleýeti jetýi kerek, saı bolýy qajet. Soma úlken bolǵannan keıin qoıylatyn talap ta joǵary. Konkýrstyń jeńimpazyn anyqtaýǵa Shymkent qalasyndaǵy memlekettik satyp alýlar basqarmasynyń da, ákimdiktiń de, eshkimniń qatysy joq. Barlyǵy zań aıasynda, zańnyń normalaryna sáıkes júzege asyrylyp jatyr, — dedi ol.

Aıta keteıik, budan buryn Shymkenttegi Kongress-holl keshenine «Qyzǵaldaq» dep ataý berilgenin jazǵan bolatynbyz.