Shymkentte qorǵasyn óndiretin kásiporynǵa 17 mıllıon teńge aıyppul salyndy
ShYMKENT. KAZINFORM — Shymkenttikter «Ordabasy» ındýstrııalyq aımaǵy mańyndaǵy ótkir hımııalyq ıis pen tútinge shaǵymdandy. Ekologter turǵyndardyń aryzy boıynsha «Rock Minerals» LLC zaýytynda jospardan tys tekserý júrgizip, zań buzýshylyqtardy anyqtady.
Ekologııa departamentiniń ınspektorlary shaǵymnan keıin kásiporynda tekserý jumystaryn júrgizgen. Belgili bolǵandaı, seriktestik Ekologııalyq kodekstiń birneshe babyn buzǵan.
— Turǵynnyń aryzy boıynsha 2026 jyldyń 28 qańtarynda «Rock Minerals» JShS-ge jospardan tys tekserý júrgizildi. Tekserý barysynda QR Ekologııalyq kodeksiniń 39, 106, 120, 202-baptary boıynsha buzýshylyqtar anyqtaldy. Ákimshilik hattama toltyrylyp, ákimshilik aıyppul salyndy, — delingen aqparatta.
Kompanııaǵa 17 607 398 teńge aıyppul salyndy. Sondaı-aq anyqtalǵan zańbuzýshylyqtardy joıý týraly uıǵarym berildi.
Ekologııalyq máselelerge qaramastan, «Rock Minerals» JShS óndiristi keńeıtýdi josparlap otyr. Kompanııa jańa tseh salýǵa ekologııalyq ruqsat alý úshin qujattaryn tapsyryp úlgerdi. Munda tústi metall synyqtarynan mys qorytpalary, jez, qorǵasyn, qola óndiriledi. Bul joba boıynsha qoǵamdyq tyńdaýlar 7 sáýirge josparlanǵan.
Ekologııa departamentiniń mamandary atalǵan máselemen qatar «Shymkentmaı» AQ-da tekserý jumystaryn bastady. Alaıda tergeý jumystary sozbalańǵa salyndy. Vedomstvodaǵylar kásiporynnyń shaǵym túsirgenin, sondyqtan tekserý merzimi taǵy eki aıǵa uzartylǵanyn túsindirdi.
Eske sala keteıik, Shymkent elimizdegi aýasy eń kóp lastanǵan 10 qalanyń qataryna endi. Mamandar bul jaǵdaıdy eski avtokólikter sanynyń kóbeıýi, ónerkásip óndirisiniń ulǵaıýy jáne ındýstrııalyq aımaqtardyń keńeıýimen baılanystyrady.
