Shymkenttegi kópqabatty úılerge jylý 1 apta erte berile bastady

ShYMKENT. KAZINFORM – Shymkentte kún salqyndaýyna baılanysty jylý belgilengen merziminen buryn berilip jatyr. Bul týraly ákimdik habarlaıdy.

«Aýa temperatýrasy tómendep, kún salqyndaýyna baılanysty turǵyndar tarapynan jylýǵa qatysty kóptegen ótinish túsken. Osyny eskergen Shymkent qalasynyń qala ákimi Ǵabıt Syzdyqbekov jaýapty orynbasarlary men basqarma basshylaryna jylý júıelerin merziminen buryn iske qosýdy tapsyrdy. Kestege sáıkes jylý qarasha aıynyń 1-ine qosylý kerek bolatyn. Qala basshysynyń qaýlysymen turǵyn úıler men áleýmettik nysandarǵa búginnen, ıaǵnı qazannyń 21-inen bastap jylý berile bastady», - delingen ákimdik habarlamasynda.

Taratylǵan málimetke qaraǵanda, qazir qaladaǵy 26 bólek ornalasqan jylý qazandyqtary men ortalyqtandyrylǵan jylý júıesindegi 17 sorǵy stantsııasy jylý maýsymyna daıyn. Tutynýshylardy jylýmen qamtamasyz etý tómendegideı kezektilikpen júzege asyrylady:

- balabaqshalar, emhanalar, mektepter, medıtsınalyq-áleýmettik mekemeler;

- turǵyn úıler, jataqhanalar;

- ákimshilik ǵımarattar, oqý oryndary, teatrlar;

- basqada ǵımarattar.