Shymkenttegi «Qııal álemi» saıabaǵynda zańsyz salynǵan ǵımarattardy buzý bastaldy
ShYMKENT. KAZINFORM - Jer resýrstary departamentiniń aryzy qanaǵattandyryldy, sheshim zańdy kúshine endi.
Mamandandyrylǵan ekonomıkalyq sottyń sheshimi boıynsha zańsyz salynǵan ǵımarattardy buzý jumystary aýyr tehnıkanyń kómegimen júrgizilip jatyr.
Respýblıka dańǵyly 9 mekenjaıyndaǵy ýchaske bastapqyda jasyl jelek egetin aımaq retinde belgilengen bolatyn. Alaıda 2011 jyldan bastap 4 gektar jer jalǵa berilgennen keıin, ýáde etilgen balalar ortalyǵynyń ornyna kommertsııalyq attraktsıondar parki paıda boldy.
Ákimdik málimetinshe, jalǵa alýshy shart talaptaryn buzǵan.
— Sot oryndaýshylary menshik ıelerin toǵyz irgeli qurylysty óz qarajatyna buzý qajettigi týraly habardar etken. Bul talap oryndalmaǵandyqtan sot mindetti túrde ǵımarattardy buzyp, jerdi bastapqy kúıinde memleket menshigine qaıtarý týraly sheshim qabyldady, - dep habarlady qalalyq ákimdiktiń baspasóz qyzmeti.
Ǵımarattar buzylyp jatqan kezde keıbir jalǵa alýshylar men kásip ıeleri jumysqa kedergi jasamaq bolyp, ózderiniń jumys oryndaryn joǵaltamyz dep shý kóterdi. Degenmen, qarsylyqtarǵa qaramastan, buzý jumystary bastaldy.
Aıta keteıik, budan buryn Shymkenttegi Kongress-holl keshenine «Qyzǵaldaq» degen ataý berilgenin jazǵan bolatynbyz.