Shymkenttegi «Qııal álemi» oıyn-saýyq saıabaǵy sot sheshimimen buzylady
ShYMKENT. KAZINFORM - Keıingi jyldary saıabaqta shyqqan órt saldarynan eki stýdent pen bir er adam qaıtys bolǵan.
2011 jyly JShS Shymkent qalasynyń ortalyǵynda ornalasqan saıabaqtan 4 gektar jer telimin jalǵa alǵan. Alaıda, jalǵa alýshy balalar ortalyǵyn qurý jónindegi mindettemelerdi oryndaýdyń ornyna «Qııal álemi» oıyn-saýyq saıabaǵyn ornalastyrǵan. Sodan jergiliktiń ákimdik JShS-tiń jaldaý shartynyń talaptaryn buzǵanyn alǵa tartyp, ony jaramsyz dep taný týraly sotqa júgindi.
– MAES-y jáne apellıatsııa JShS-ny jer telimin kommýnaldyq menshikke qaıtarýdy mindettedi. Bul sheshim zańdy kúshine engennen keıin ákim saıabaqtaǵy zańsyz salynǵan qurylystardy JShS esebinen buzyp, jer telimin burynǵy qalpyna keltirý týraly talap qoıýmen sotqa júgingen, - delingen Qazaqstan Respýblıkasy Joǵary sotynyń baspasóz qyzmeti taratqan aqparatta.
Sotta JShS jer telimine ornalasqan attraktsıondardy, átkenshekterdi jáne basqa da qurylystardy paıdalanýǵa qabyldaý aktilerin zańnamada belgilengen tártippen resimdeý týraly dáleldemelerdi usynbaǵan.
– Sot joǵaryda atalǵan mán-jaılardy, sondaı-aq JShS-nyń jer telimin zańsyz paıdalaný faktisin eskere otyryp, talap qoıýdy qanaǵattandyryp, JShS-ny ruqsatsyz ıelengen 4 ga jer telimin ǵımarattardy buzý arqyly bastapqy kúıine qaıtaryp bosatýdy mindettedi. Sheshim zańdy kúshine engen joq, - delingen sot aqparatynda.
Aıta keteıik, búgin Shymkentte joǵalǵan úsh adamnyń biriniń denesi tabyldy.