Shymkenttegi «Keń baba» saıabaǵy túpkilikti memleket menshigine ótti
ShYMKENT. KAZINFORM — «Keń baba» saıabaǵyndaǵy daýly jer telimine qatysty sot sheshimi zańdy kúshine endi.
Shymkent qalasynyń jer resýrstaryn basqarý departamenti habarlaǵandaı, mamandandyrylǵan aýdanaralyq ekonomıkalyq sot «Almaty-Sapar» JShS-niń atyna rásimdelgen, Ál-Farabı aýdany, G. Ilıaev kóshesi, 68/1 meken-jaıyndaǵy jer ýchaskesine qatysty quqyq belgileıtin qujattardy jaramsyz dep tanydy.
Sot sheshimi zańdy kúshine endi.
Bastapqyda saıabaq jeri kompanııaǵa balalar men jasóspirimderdi estetıkalyq jáne mádenı turǵydan tárbıeleý ortalyǵyn qurý shartymen ýaqytsha paıdalanýǵa berilgen bolatyn.
Alaıda jalǵa alý merzimi aıaqtalǵan soń, aýmaq zańsyz ári nysanaly maqsatyna qaıshy paıdalanylyp kelgen.
Aıta keteıik. Budan buryn Shymkenttegi «Keń baba» etnoparki buzylyp jatqanyn jazǵan bolatynbyz.