UQK Shymkenttegi memlekettik korporatsııanyń ǵımaratyna tintý júrgizdi
Shymkenttegi Memlekettik qyzmet kóororatsııasynyń ǵımaratyna Ulttyq qaýipsizdik komıteti departamentiniń qyzmetkerleri tintý júrgizdi, dep habarlaıdy QazAqparat tilshisi.
Áleýmettik jelide Shymkenttegi memlekettik korporatsııanyń ǵımaratynda qolynda qarýy bar áskerı adamdardyń júrgeni jaıynda vıdeo jarııalandy. Onda arnaıy kólikpen kelgen qarýly top esikti syndyryp ashyp, bólmelerge tintý júrgizgenin kórýge bolady.
Atalǵan vıdeoǵa qatysty «Azamattarǵa arnalǵan úkimet» memlekettik korporatsııasy» KE AQ Shymkent qalalyq fılıalynyń baspasóz qyzmeti resmı túrde jaýap berdi.
Onyń aıtýynsha, oqıǵa bıylǵy jyldyń 1 qyrkúıeginde bolǵan.
«QR Ulttyq qaýipsizdik komıteti departamentiniń (UQKD) qyzmetkerleri Shymkent qalasy boıynsha Memlekettik korporatsııanyń fılıalynda tintý júrgizgenin habarlaıdy. Tintý barysynda jer ýchaskeleriniń shekaralaryn zańsyz aýystyrý boıynsha sotqa deıingi tergeý júrgizý sheńberinde birqatar jer-kadastrlyq ister tárkilendi.
Aıta keteıik, búgingi tańda UQKD-dan joǵaryda atalǵan is-sharalar boıynsha Memlekettik korporatsııa atyna túsinikteme berilmegen.
Osyǵan baılanysty, tolyq aqparat alý úshin joǵaryda atalǵan memlekettik organdarǵa júginý qajet ekenin habarlaımyz»-delingen aqparatta.
