Shymkenttegi halyqaralyq týrnırde Qazaqstannan kimder oınaıdy
ASTANA. KAZINFORM — Shymkent qalasynda ótetin ATP Challenger 50 halyqaralyq týrnırinde 25 eldiń tennısshileri baq synaıdy.
Qazaqstan tennıs federatsııasynan málim etkenindeı, ATP kúntizbesine engizilgen atalmysh jarys eki kezeńde: 19-25 sáýir jáne 26 sáýir-3 mamyr aralyǵynda ótedi.
Oıynshylarǵa reıtıngilik upaı qoryn molaıtýǵa múmkindik beretin aıtýly dodada Qazaqstannan jastardan Ámir Omarhanov pen Zańǵar Nurlanuly óner kórsetedi. Bul olar úshin eresekter arasyna ótý úshin mańyzdy qadam bolmaq.
Sonymen qatar tıtýl úshin qazaqstandyq tájirıbeli tennısshiler Tımofeı Skatov, Denıs Evseev jáne Grıgorıı Lomakın talasady. Bul básekelestik deńgeıin arttyra túspek.
ATP Challenger 50 Shymkent týrnıri elde tennıs mádenıetin damytýǵa jáne otandyq sportshylardy qoldaýǵa baǵyttalǵan.
Eske sala keteıik, budan buryn Mıhaıl Kýkýshkınniń Qytaıdaǵy týrnırdiń 1/8 fınalyna ótkenin jazǵan bolatynbyz.
