Shymkenttegi dendrosaıabaqqa kirý ýaqyty men baǵasy ózgertildi

ShYMKENT. KAZINFORM – Jańa tarıf 3-sáýirden bastap qoldanysqa endi.

A.Asqarov atyndaǵy Shymkent memlekettik dendrologııalyq saıabaǵyna kirý aqysy tarıftik mólsherdiń ózgerýine oraı, 2025 jyldyń 1-sáýirinen bastap 100 teńge bolyp bekitildi. 
Zeınetkerlerge múgedektigi bar adamdarǵa, Uly Otan soǵysy ardagerlerine, basqa memleketterdiń aýmaǵyndaǵy urys qımyldarynyń ardagerlerine, eńbek ardagerlerine, kóp balaly analarǵa («Altyn alqa», «Kúmis alqa» ıegerleri), mektep jasyndaǵy balalarǵa kirý tegin.

Turǵyndardyń ótinishin eskere otyryp, saıabaqqa kirý ýaqytyn tańǵy 05:00 den túngi saǵat 01:00–ge deı̆in uzartý boı̆ynsha sheshim qabyldandy. Kirý aqysy tańǵy saǵat 05:00–den 07:00–ge deıin jáne 23:00–den 01:00–ge deıin tegin.

— A.Asqarov atyndaǵy dendrologııalyq saıabaǵy aldaǵy ýaqytta joǵaryda kórsetilgen ýaqyt boı̆ynsha jumys isteı̆tin bolady, — delingen Shymkent qalasy ákimdiginiń baspasóz qyzmeti taratqan aqparatta.

Aıta keteıik, budan buryn Shymkentte jańa Fosforshylar mádenıet saraıynyń qurylysy bastalǵanyn jazǵan bolatynbyz.