Shymkenttegi beıimdeý ortalyǵynan joǵalǵan 3 qyz Almatydan tabyldy
ShYMKENT. KAZINFORM - Joǵalǵan jasóspirimderdi izdeýge polıtsııa basqarmasynyń jeke quramy jumyldyryldy.
Shymkenttegi kámeletke tolmaǵandardy beıimdeý ortalyǵynyń úsh tárbıelenýshisi qańtar aıynyń 14-i kúni keshke belgisiz baǵytqa ketip qalǵan. Tártip saqshylary kórshi aımaqtardaǵy áriptesterine qyzdardyń sýretin, syrtqy kelbeti men kıimderi sıpattalǵan baǵyttamalardy joldady.
Qabyldanǵan sharalardyń nátıjesinde jedel ýákilder qyzdardy Almaty qalasynan tapty.
«Joǵalǵan qyzdardy izdeýge polıtsııa basqarmasynyń jeke quramy jumyldyryldy. Qazir tárbıelenýshiler Almaty qalasynyń kámeletke tolmaǵandardy beıimdeý ortalyǵyna ornalastyryldy», - delingen Shymkent qalasy polıtsııa departamentiniń baspasóz qyzmeti taratqan aqparatta.
