Shymkenttegi «Altyn mergen» Gran-prıinde Qazaqstan quramasy 1-oryn aldy

ASTANA. KAZINFORM – Búgin Shymkent qalasynda nysana kózdeýden «Altyn mergen» halyqaralyq týrnıri máresine jetti.

Sportty damytý dırektsııasynyń baspasóz qyzmeti málim etkendeı, bıylǵy týrnırge Qazaqstan, Ózbekstan, Qyrǵyzstan, Túrkmenstan, Tájikstan jáne Belarýs Respýblıkalarynan jalpy sany 230 tańdaýly mergen jınalyp, 25 júlde jıyntyǵyn sarapqa saldy.

Jalpy esepte 17 altyn, 13 kúmis, 13 qola medal jeńip alǵan Qazaqstan quramasy 1-orynǵa ıe boldy. Ekinshi satyǵa 6 altyn, 10 kúmis, 10 qola medal jeńip alǵan Belarýs quramasy jaıǵasty. Al úzdik úshtikti Qyrǵyzstan túıindedi. Olardyń enshisinde 1 altyn, 2 kúmis, 2 qola medal bar.

Aıta keteıik, Qazaqstan quramasy sapynda Parıj Olımpıadasynyń joldamasyn jeńip alǵan Islam Satpaev, Arına Altýhova, Aleksandra Le, Konstantın Malınovskıı men Nıkıta Chırıýkın synǵa tústi. Buǵan qosa Valerıı Rahymjan, Zýhra Irnazarova, Fatıma Irnazarova, Irına ıÝnýsmetova, Elızaveta Bezrýkova, ıÝrıı ıÝrkov, Asadbek Nazırkýlev syndy júlde alyp júrgen ulttyq qurama sportshylary boldy.

Endi ulttyq qurama Shymkent qalasynda oqý-jattyǵý jıynyn ótkizip, Brazılııadaǵy Álem Kýbogy kezeńine attanady.