Shymkenttegi ál-Farabı aýdanynyń ákimi qyzmetinen bosatyldy
ShYMKENT. KAZINFORM - Rashıd Myńbaev ál-Farabı aýdanynyń ákimi qyzmetinen bosatyldy.
44 jastaǵy Rashıd Myńbaev bul qyzmetti 2020 jyldyń jeltoqsan aıynan beri atqaryp keldi. Ol rotatsııa tártibine sáıkes qyzmetinen bosatyldy.
Baıdibek aýdanynyń týmasy, 2002 jyldan bastap Ádilet mınıstrliginde qyzmet atqarǵan. 2009 jyldan bastap Ońtústik Qazaqstan oblysynyń ákimi Asqar Myrzahmetovtyń keńesshisi, kómekshisi boldy.
Kentaý qalasy ákiminiń orynbasary, Shymkent qalasynyń mádenıet, tilderdi damytý jáne arhıvter basqarmasynyń basshysy, Shymkent qalasy ákimi apparaty basshysynyń orynbasary qyzmetterin atqardy.
Al, 2020 jyldyń jeltoqsan aıynan búgingi kúnge deıin Shymkent qalasy Ál-Farabı aýdanynyń ákimi laýazymynda eńbek etti.
Aıta keteıik, budan buryn Shymkentte 7 jastaǵy balanyń ólimine baılanysty aýdan ákimi qyzmetinen bosatylǵan bolatyn.