Shymkenttegi Abaı saıabaǵynda zańsyz salynǵan nysan buzylatyn boldy

ShYMKENT. KAZINFORM – Sot jaýapkerdi qurylys nysanyn májbúrlep buzdyrýǵa mindettedi.

Shymkent qalasynyń mamandandyrylǵan aýdanaralyq ekonomıqalyq sotynda zańsyz salynǵan qurylys nysanyn buzý týraly azamattyq is qaraldy.

- Turan aýdanyna qarasty «Abaı» saıabaǵy aýmaǵynda ornalasqan, jalpy alańy 32,3806 ga jer telimi talap qoıýshynyń teńgerimine berilgen. Osy saıabaq aýmaǵynda seriktestikke tıesili eki qabatty qurylys nysany bar. Alaıda, seriktestik «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Zańynyń 68-babynyń 1-tarmaǵyna sáıkes qurylys nysandaryn júrgizý kezinde talaptardy saqtamaı qurylys júrgizgen,- delingen Shymkent qalalyq sotynyń baspasóz qyzmeti usynǵan aqparatta.

Bunyń aldynda jergilikti atqarýshy organ jaýapker seriktestikke qurylys nysandaryn buzý jolymen jer ýchaskesin bosatýdy mindettep, taraptar bitimgershilik kelisimge kelgen. Onda ornalasqan barlyq qurylys nysandary memleketke óteýsiz berilýi tıis bolǵan.

- Jaýapker seriktestik bolsa, saıabaqtyń josparyna sáıkes tek balalardyń oıyn- saýyq kesheni retinde paıdalanýǵa, ýákiletti organdardyń arnaıy ruqsattaryn almaı alkogol ónimin satýǵa jáne qandaı da bir ózge tásilmen ótkizýge, ony óndirýge, ótkizýge jáne saqtamaýǵa jáne alkogol ónimderin shyǵaratyn shaǵyn zaýytynyń jabdyqtaryn bólshekteýge mindettengen. Alaıda, jaýapker ózine alǵan mindettemelerdi tolyǵymen oryndamaǵan,- delingen sot aqparatynda.

Sot, joǵaryda kórsetilgenderdiń negizinde, talap qoıý zańdy jáne negizdi degen qorytyndyǵa keldi. Sottyń sheshimimen jaýapker seriktestikke tıesili qurylys nysandardy óz esebinen májbúrlep buzylýǵa jatady dep tanydy. Sheshim zańdy kúshine engen joq.

Aıta keteıik, budan buryn Shymkenttegi «Qııal álemi» oıyn-saýyq saıabaǵy sot sheshimimen buzylatyn bolǵanyn jazǵan bolatynbyz.