Shymkentte júrip kele jatqan kólikten otshashý atqan azamat jaýapqa tartyldy
ShYMKENT. KAZINFORM – Shymkentte ortalyq kóshede kólikten otshashý atqan azamat ustaldy. Onyń áreketi jol qozǵalysy qatysýshylary men turǵyndardyń tynyshtyǵyna qaýip tóndirgen.
Shymkentte túngi ýaqytta Qonaev dańǵylynda Lexus GS avtokóliginiń jolaýshysy qozǵalys kezinde kólik terezesinen shyǵyp, otshashý atqan.
Qalalyq polıtsııa departamentiniń málimetinshe, atalǵan áreket jol qozǵalysynyń basqa qatysýshylaryna qaýip tóndirip, túngi ýaqytta qoǵamdyq tártip pen turǵyndardyń tynyshtyǵyn buzǵan.
– Quqyq buzýshy polıtsııa qyzmetkerleri tarapynan anyqtalyp, qamaýǵa alyndy. Ol óz áreketin dosyn týǵan kúnimen osylaısha quttyqtaǵysy kelgenimen túsindirdi, - delingen habarlamada.
Tártip buzǵan er adamǵa qatysty usaq buzaqylyq, pırotehnıkalyq buıymdardy belgilenbegen jerde paıdalaný, tynyshtyqty buzý jáne jol qozǵalysy qaǵıdalaryn saqtamaý derekteri boıynsha ákimshilik hattamalar toltyryldy.
Budan buryn Shymkentte avtobýs júrgizýshisi jeńil kólikti qasaqana qaqqanyn jazǵan edik.
