Shymkentte júrgizýshi kýáligin alý emtıhany kezinde avtokólik aýdarylyp ketti

ShYMKENT. KAZINFORM – Shymkentte júrgizýshi kýáligin alý úshin praktıkalyq emtıhan tapsyryp jatqan kezde úmitker basqara almaı, avtokólik aýdarylyp qaldy.

Oqıǵa 19 qańtarda Shymkent qalasyndaǵy №4 mamandandyrylǵan HQKO aýmaǵynda bolǵan. Júrgizýshi kýáligin alýǵa kelgen úmitker tapsyrmalardyń birin oryndaý barysynda kólik quralyn basqarýda qatelik jiberip, sonyń saldarynan kólik aýdarylyp ketken. 

Osyǵan qatysty Kazinform tilshisiniń joldaǵan suraýyna «Azamattarǵa arnalǵan úkimet» memlekettik korporatsııasy Shymkent qalasy boıynsha fılıaly resmı túsinik berdi.

– Mamandandyrlyǵan HQKO qyzmetkerleri oqıǵa ornynda alǵashqy medıtsınalyq kómek kórsetti, sondaı-aq 103 nómiri arqyly jedel járdem shaqyryldy. Úmitkerdiń jaǵdaıy qanaǵattanarlyq dep baǵalanady. Atalǵan oqıǵa memlekettik qyzmet kórsetý protsesine áser etken joq, qazirgi ýaqytta praktıkalyq emtıhan shtattyq rejımde qabyldanyp jatyr, – delingen vedomstvonyń usynǵan aqparatynda.

Eske sala ketsek, praktıkalyq emtıhanǵa avtomektepterde oqýdan ótken, kólik quralyn basqarýǵa daıyndyǵyn rastaǵan jáne tapsyrmalardy óz betinshe oryndaýǵa qabiletti tulǵalar ǵana jiberiledi.

Budan buryn Qyrǵyzstanda júrgizýshi kýáligine emtıhandy JI qabyldaıtynyn jazǵan edik. 

Sondaı-aq Shymkentte júrgizýshi kýáligin satqandar sottaldy.