Shymkentte JShS basshysy 36 mln teńge jymqyrdy degen kúdikke ilindi
Shymkent qalasynyń Eńbekshi aýdandyq prokýratýrasy merdigerge naqty oryndalmaǵan jumystar úshin aqy tóleý faktisin anyqtady, dep habarlaıdy Kazinform.
11.03.2022 jyly Shymkent qalasynyń Eńbekshi aýdany ákiminiń Apparaty men JShS arasynda «Jerleý oryndaryn kútip ustaý» boıynsha kelisimshart jasalǵan.
Sonymen birge 2021-2023 jyldary Ákim Apparaty pen atalǵan Seriktestiktiń arasynda jalpy sommasy 37,9 mln. teńgeni quraıtyn 18 memlekettik satyp alý sharttary túzilgen.
Tekserý barysynda prokýrorlar qaraý jáne oryndalǵan jumystardyń aktilerine salystyrý júrgizip, Tapsyrys berýshi is júzinde oryndalmaǵan jumystarǵa jáne jetkizilmegen taýarlarǵa aqy tólep, olardy qabyldaǵanyn anyqtaǵan.
Aýdıtorlyq tekserý qorytyndysyna sáıkes oryndalmaǵan jumys pen jetkizilmegen taýar somasy 36,1 mln. teńgeni quraǵan.
Osyǵan oraı Shymkent qalasy Eńbekshi aýdany prokýratýrasy Qylmystyq kodeksiniń 189-baby 4-bóligi 2) tarmaqshasy (asa iri mólsherde senip tapsyrylǵan bóten múlikti ıemdenip alý nemese talan-tarajǵa salý) boıynsha sotqa deıingi tergep-tekserýdi bastaǵan, onyń óndirisi Sybaılas jemqorlyqqa qarsy is qımyl agenttigi Shymkent qalasy boıynsha departamentine joldandy.
