Sapasyz jol: Shymkentte 11 tehnıkalyq qadaǵalaýshyǵa aıyppul salyndy

Shymkentte joldyń sapasyz salynýyna jol bergen 11 tehnıkalyq qadaǵalaýshyǵa aıyppul salyndy. Bul týraly «Jol aktıvteri sapasynyń ulttyq ortalyǵy» RMK Shymkent qalalyq  fılıaly Synaq zerthanasynyń meńgerýshisi Ermek Namazov málimdedi, dep habarlaıdy Kazinform. 

«Jol aktıvteri sapasynyń ulttyq ortalyǵy» RMK Shymkent qalalyq fılıaly qaıta qurý, jóndeý jáne qurylys obektilerine 650 ret shyǵyp, 1110 jol-qurylys materıaldarynan synama alǵan. Nátıjesinde 600-den astam synama talapqa saı bolmaı shyǵyp, 11 tehnıkalyq qadaǵalaýshyǵa aıyppul salyndy

«Búgingi tańda ol aqaý jóninde merdigerge, tehnıkalyq qadaǵalaý mekemelerine hattarmalar toltyryldy. Sondaı-aq, 600-den astam synamaǵa sáıkestendirý jumystary atqaryldy. QR Kólik mınıstrligi «Jol aktıvteri sapasynyń ulttyq ortalyǵy» RMK Shymkent qalalyq fılıaly jol qurylysynyń sapasyn jiti baqylap otyr» – dedi «Jol aktıvteri sapasynyń ulttyq ortalyǵy» RMK Shymkent qalalyq fılıaly Synaq zerthanasynyń meńgerýshisi Ermek Namazov.

Aıta keteıik, bıyl Shymkentte 241 kóshe ortasha jóndeýden ótti. Onyń 15-i – kólik aǵyny joǵary magıstraldy kóshe.