Shymkentte jolda kele jatqan jeńil kólik túgelimen janyp ketti

Shymkentte gaz qondyrǵysyn ornatqan kólik órtke orandy, dep habarlaıdy Kazinform.

Oqıǵa Turan aýdanyna qarasty D.Qonaev dańǵyly men T.Rysqulov kóshesiniń qıylysynda boldy. Jolda kele jatqan «Audi A-6» jeńil avtokóligi tolyǵymen janyp ketti.

Órt oqıǵasyna Tótenshe jaǵdaı departamentiniń 15 qyzmetkeri men 4 tehnıkasy jumyldyryldy.

«Kólikke gaz qondyrǵysy ornatylǵan. Órt saǵat 09:04-te oqshaýlanyp, saǵat 09:12-de tolyǵymen sóndirildi. Zardap shekkender men qaıtys bolǵandar joq. Órttiń shyǵý sebebi anyqtalýda» - delingen Shymkent qalasy TJD qoǵammen baılanys toby taratqan aqparatta.