Shymkentte jol ortasynda tóbelesip, kisi óltirgen kúdiktiler ustaldy

ShYMKENT. KAZINFORM — 20 qańtarda Erimbetov pen Rysqulov kósheleriniń qıylysynda kólik júrgizýshileri men jolaýshylary arasynda janjal shyqqan. Oqıǵa saldarynan 40 jastaǵy er adam pyshaq jaraqatynan kóz jumdy, taǵy bir azamat aýrýhanaǵa jetkizildi.

Polıtsııa departamentiniń qyzmetkerlerimen jedel-izdestirý is-sharalarynyń nátıjesinde adam óltirý jáne buzaqylyq qylmystaryna qatysy bar kúdikti tórt er adam anyqtalyp, ustaldy.

— Kúdiktiler ýaqytsha ustaý ızolıatoryna qamaýǵa alyndy. Qazirgi ýaqytta jedel-izdestirý sharalary jalǵasyp jatyr. Atalǵan jaıt boıynsha «adam óltirý», «buzaqylyq» jáne «adamdy urlaý» baptarymen qylmystyq is qozǵaldy, — delingen qalalyq polıtsııa habarlamasynda.

Kúdiktilerdi ustaýǵa Polıtsııa departamentiniń barlyq kúshi men quraly jumyldyryldy. Qylmystyq istiń barlyq mán-jaıyn anyqtaýǵa baǵyttalǵan keshendi tergeý is-sharalary júrgizilip jatyr.

Budan buryn Shymkentte boıjetkendi pyshaqtap óltirdi degen kúdikti ustalǵanyn jazǵan edik.