Shymkentte jol erejesin buzǵan depýtat bir jylǵa júrgizýshi kýáliginen aıyryldy

ShYMKENT. KAZINFORM - Sot otyrysy ashyq formatta ótti. 

Shymkent qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty Erǵalı Amanbaevqa qatysty ákimshilik quqyq buzýshylyq týraly QR Kodeksiniń 590-baby 4-bóligi (kórineý jalǵan memlekettik tirkeý nómiri belgisi bar kólik quralyn basqare) boıynsha isti qarady.

— 20 tamyzda Lexus kóligin tekserý barysynda, onyń júrgizýshisi Erǵalı Amanbaev bolǵan. Kólikke ornatylǵan «777...» nómirli belgisiniń basqa kólikke tirkelgeni anyqtaldy. Jaýapkerdiń kinási ákimshilik quqyq buzýshylyq týraly hattamamen, beınejazbamen jáne zattaı dáleldemelerdi alý týraly aktimen rastaldy, — dep habarlady sotta.

Sot otyrysy barysynda Amanbaev kóligine jalǵan inisi ornatqanyn, al ózi ony baıqamaı qalǵanyn túsindirdi jáne qatań jaza taǵaıyndamaýdy surady.

— Sot quqyq buzýshylyq faktisi rastalǵan degen qorytyndyǵa keldi. Jaǵdaıdy jeńildetetin nemese aýyrlatatyn mán-jaılar anyqtalǵan joq. Erǵal Amanbaev QR ÁQBtK-niń 590-baby 4-bóligi boıynsha ákimshilik quqyq buzýshylyq jasaǵany úshin kináli dep tanyldy, — dep naqtylady sot otyrysynda.

Sot Amanbaevqa 4 táýlikke ákimshilik qamaýǵa alý jáne bir jyl merzimge kólik quralyn basqarý quqyǵynan aıyrý jazasyn taǵaıyndady.
Sot qaýlysy ázirge zańdy kúshine engen joq.

Aıta keteıik, budan buryn Shymkentte jol erejesin buzǵan depýatat ákimshilik jaýapkershilikke tartylǵanyn jazǵan bolatynbyz.