Shymkentte jol erejesin buzatyndar kóbeıdi
ShYMKENT. KAZINFORM – Shymkentte eki kún ishinde 2,5 myńnan astam jol erejesin buzǵan jaǵdaı anyqtaldy.
Tártip saqshylary eki táýlik ishinde kólik júrgizýshileri men jol qozǵalysynyń basqa da qatysýshylary jasaǵan 2584 quqyq buzýshylyqty anyqtady. Olardyń ishinde tehnıkalyq baıqaýdan ótpeý, kólikti zańsyz qaıta jabdyqtaý, qaýipsizdik belbeýlerin taqpaý, kólikti basqarý kezinde uıaly telefon paıdalaný, manevr jasaý erejelerin buzý, qarsy qozǵalys jolaǵyna shyǵý, baǵdarshamnyń tyıym salý sıgnalyna ótý, belgilenbegen jerden joldy kesip ótý jaǵdaılary kóp tirkelgen.
«Іs-sharanyń negizgi mindeti – jol-kólik oqıǵalary men jol júrý qaǵıdalaryn buzýdyń aldyn alý jáne boldyrmaý. «Qaýipsiz jol» profılaktıkalyq is-sharasy 29 aqpanǵa deıin jalǵasady. Polıtsııa qyzmetkerleri megapolıs joldaryndaǵy qaýipsizdikti qamtamasyz etý maqsatynda kúsheıtilgen rejımde jumys istep jatyr» - delingen Shymkent qalasy Golıtsııa departamentiniń baspasóz qyzmeti taratqan aqparatta.
