Shymkentte jol boıynda turǵan jeńil kólik túgelimen janyp ketti

Qazirgi tańda órttiń shyǵý sebebi anyqtalyp jatyr, dep habarlaıdy Kazinform. 

Oqıǵa Abaı aýdanyna qarasty «Asar-2» shaǵyn aýdanynda boldy. Jol boıynda turǵan «Vaz-2114» jeńil avtokóligi tolyǵymen janyp ketti. Oqıǵa ornyna Shymkent qalasy TJD Órt sóndirý qyzmetiniń 2 tehnıkasy, 11 jeke quram qyzmetkeri jáne apattar medıtsınalyq ortalyǵynyń brıgadasy jumyldyryldy.

«Órt saǵat 23:47-de oqshaýlanyp, saǵat 23:59-da tolyǵymen sóndirildi. Zardap shekkender men qaıtys bolǵandar joq. Órttiń shyǵý sebebi anyqtalyp jatyr» - delingen Shymkent qalasy TJD qoǵammen baılanys toby taratqan aqparatta.