Shymkentte jol apatynan aýyr jaraqat alǵan júkti kelinshekke kúrdeli ota jasaldy

Jol apatyna ushyraǵan 28 jastaǵy júkti kelinshek jedel járdem qyzmetimen №1 qalalyq klınıkalyq aýrýhanaǵa jetkizildi, dep habarlaıdy Kazinform.

Jol apatynyń saldarynan patsıentte qosarlanǵan jaraqat, bas mıynyń shaıqalýy, kókirek qýysynyń qysylýy, qabyrǵalardyń synýy anyqtalǵan. Dárigerler naýqasqa eki ret kúrdeli ota jasady.

Operatsııanyń birinshi kezeńinde júkti áıeldiń jambas súıekterine, keıin oń jaq san súıegine jáne baltyr súıegine hırýrgııalyq jolmen bekitýshi aparatty qoıyp berdi. Barlyq ota sátti ótip, dárigerler qaýiptiń aldyn aldy.

«Asa kúrdeli otany №1 qalalyq klınıkalyq aýrýhananyń dáriger-travmatology akademık Ashat Ábdimáýlenov jáne Eldar Smaǵulov jasady. Bes kún jansaqtaý bóliminde jatqan naýqas palataǵa aýystyryldy. Qazirgi ýaqytta júkti áıeldiń jaǵdaıy qanaǵattanarlyq. Barlyq fýnktsıonaldy jáne qozǵalys qabiletteri saqtalǵan. Kúrdeli operatsııaǵa qaramastan, júktilik jalǵasýda»-delingen Shymkent qalasy densaýlyq saqtaý basqarmasynyń baspasóz qyzmeti taratqan aqparatta.