Shymkentte jol apatynan 16 jastaǵy skýter júrgizýshisi qaza tapty

Shymkentte jol apatynan 16 jastaǵy skýter júrgizýshisi qaza tapty, dep habarlaıdy Kazinform.

Oqıǵa «Samal-3» shaǵyn aýdanyndaǵy Muǵaljar men Alpamys batyr kósheleriniń qıylysynda boldy. «Zhweki» skýteri men «Kia Optima» kóligi soqtyǵysyp, oqıǵa saldarynan skýterdiń kámeletke tolmaǵan júrgizýshisi kóz jumdy.

Atalǵan jaıt QR QK-niń 345-baby 3-bóligi «Abaısyzda adam ólimine ákep soqqan jol qozǵalysy nemese kólik quraldaryn paıdalaný erejelerin buzý» boıynsha tirkeldi. Іs boıynsha tıisti saraptamalar da taǵaıyndaldy.

«Qazir sotqa deıingi tergep-tekserý júrip jatyr. Nátıjesi boıynsha protsestik sheshim qabyldanady. Osyndaı qaıǵyly oqıǵalardy boldyrmaý úshin polıtsııa qyzmetkerleri barlyq jol qozǵalysyna qatysýshylardy jol erejelerin qatań saqtaýǵa shaqyrady» - delingen Shymkent qalasy polıtsııa departamentiniń baspasóz qyzmeti taratqan aqparatta.