Shymkentte joq páterlerdi jalǵa berýshiler ustaldy
ShYMKENT. KAZINFORM – Kúdiktiler jábirlenýshilerge 1 mıllıon teńgeden astam shyǵyn keltirgen.
Shymkenttik tártip saqshylary alaıaqtyqpen aınalysqan úsh kúdiktini ustady. Olar jalǵa beriletin turǵyn úılerdi jarnamalaıtyn qosymsha arqyly qylmystyq áreketterin iske asyryp kelgen. ıAǵnı, joq páterlerdi jarnamalap, jalǵan habarlandyrýlar jarııalaǵan. Potentsıaldy klıentter bul usynystarǵa qyzyǵyp, alaıaqtarmen baılanysqa shyqqanda, qaskóıler aldyn ala tólem jasaýǵa kóndirgen. Saldarynan páterlerdi brondaý maqsatynda aqsha aýdaryp, aldaýdyń qurbany bolǵan.
- Ótken jyldyń tamyz aıynan bastap jalpy 1 mıllıon teńgeden astam shyǵyn keltirilgen. Qazirgi tańda tergeý barasynda olardyń ınternet-alaıaqtyqtyń 20 jaıtyna qatysy bar ekeni anyqtaldy. Ustalǵandardan 11 uıaly telefon, 15 sım-karta jáne noýtbýk tárkilendi. Tergeý jumystary jalǵasyp jatyr. Quqyq qorǵaýshylar onlaın-platformalardy paıdalaný kezinde saq jáne muqııat bolýdyń mańyzdylyǵyn eske salady, - delingen Shymkent qalasy polıtsııa departamentiniń baspasóz qyzmeti usynǵan aqparatta.
Aıta keteıik, budan buryn Shymkentte taǵy bir jasóspirim joǵalǵanyn jazǵan bolatynbyz.