Shymkentte jylý jelilerin robot kómegimen dıagnostıkalaıtyn pılottyq joba sátti aıaqtaldy
ASTANA. KAZINFORM – QR Energetıka mınıstrligi Shymkent qalasynda jylý jelilerin qubyr ishinen robottalǵan keshen kómegimen dıagnostıkalaý pılottyq jobasynyń sátti aıaqtalǵanyn málimdedi.
Akýstıkalyq rezonans ádisine negizdelgen robottaldyrylǵan qubyrishilik dıagnostıka kesheni bolat qubyrlardyń qalǵan qalyńdyǵyn dál anyqtaýǵa múmkindik beredi. Ol úsh negizgi bólikten turady:
- mobıldi zerthana;
- qubyr ishilik ınspektsııalyq qural;
- málimetterdi jınaý-saqtaý júıesi.
Málimetterdi óńdeýde jasandy ıntellekt tehnologııalaryn qoldaný operatsııalardy jyldamdatyp, aqaýlardy dálirek anyqtaýǵa jol ashady.
Bul keshen «Janarmaı-energetıka keshenin basqarýdyń biryńǵaı memlekettik júıesi» aıasyndaǵy JEK-ti tsıfrlyq transformatsııalaý kartasyna saı «EnergyTech» platformasynyń quramyna engiziledi. Júıe jylý jelilerin proaktıvti dıagnostıkalaýǵa, tsıfrlyq tehnıkalyq baqylaýdy engizýge jáne apattardy azaıtýǵa baǵyttalǵan.
Júıeniń basty múmkindikteri mynalar:
-
Skanı́rleý nátıjeleri boıynsha bolat qubyrlardaǵy ishki jáne syrtqy korrozııany avtomatty túrde anyqtap, olardyń naqty ornalasqan jerin belgileý;
-
Qubyrlardyń qalǵan resýrsyn paıdalaný sharttaryna qaraı anyqtaý;
-
Turǵyn-úı-kommýnaldyq sharýashylyq sektorynda qubyr jelilerin basqarýdyń boljamdyq modelin (predictive model) ázirleý, bul arqyly apattar sanyn azaıtý;
-
Qubyrlardyń naqty tozý deńgeıin eskere otyryp, bıýdjet qarajatyn tıimdi bólý.
Sondaı-aq, júıe «Energetıkalyq jáne kommýnaldyq sektorlardy jańǵyrtý» ulttyq jobasynyń maqsattary men mindetterine saı júzege asyrylyp keledi. Bul joba aıasynda Energetıka mınıstrligi salalyq negizgi protsesterdi tsıfrlandyryp, jylý jelilerin qaıta qurý jumystaryn júrgizýde.
Aıta keteıik, Energetıka mınıstri elektr jelilerin jóndeý ýaqytyly aıaqtalady dep ýáde berdi.