Shymkentte jylý qashan tegis beriledi
ShYMKENT. KAZINFORM — Shymkentte búginnen bastap jylý berilip jatyr. Qaladaǵy barlyq nysandy jylý júıesine qosýdy 25 qazanǵa deıin aıaqtaý josparlanǵan.
Shymkent ákimdiginiń málimetinshe, «Qýatjylýortalyq-3» mekemesi 2026-2027 jyldardaǵy jylytý maýsymynyń bastalýyna baılanysty magıstraldyq jáne oramishilik jylý jelilerin sýmen toltyrýǵa kirisedi. Qazandyqtardy iske qosý jumystary birneshe kúnge sozylady.
— 20 qazannan bastap RK-3, K-54, K-24, K-19, PMK-49 qazandyqtary men 40 jalpy bilim beretin mekteptiń qazandyqtaryn iske qosý bastalady. Bul jumystardy 25 qazanǵa deıin tolyq aıaqtaý josparlanǵan. Aldymen balabaqshalarǵa, mektepter men aýrýhanalarǵa, keıin kópqabatty turǵyn úılerge jylý beriledi. Úshinshi kezeńde basqa da zańdy tulǵalardyń nysandary jylý júıesine qosylady, — dep habarlady qala ákiminiń baspasóz qyzmeti.
Jylý berý kezinde turǵyndar jertóleler men páterlerdegi qubyrlardyń jaǵdaıyn qadaǵalaýy tıis. Qubyr jarylǵan jaǵdaıda «Qýatjylýortalyq-3» mamandaryna habarlaý qajet. Ol úshin 8 (771) 882-62-55, 56-50-27, 44-81-89 jáne 44-82-37 telefon nómirlerine qońyraý shalýǵa bolady.
Qala ákimdigi kásiporynnyń úı ishindegi jylytý júıelerindegi qubyrlardyń jarylýyna jáne páterlerdegi múliktiń búlinýine jaýapty emes ekenin eskertti.
Aıta keteıik, buǵan deıin Shymkentte jylytý maýsymy qarsańynda jylýmen jabdyqtaý tarıfteri qaıta qaraldy. Ózgerister zańdy tulǵalar men kásiporyndarǵa qatysty boldy. Al turǵyndar úshin jylý tarıfteri burynǵy deńgeıde qaldy.
