Shymkentte jylqyny kólikke baılap jetektegen júrgizýshi jazalandy
ShYMKENT. KAZINFORM – Shymkentte jylqyny kólikke baılap tasymaldaǵan júrgizýshi ákimshilik jaýapkershilikke tartyldy.
Áleýmettik jelilerde jylqyny avtokólikke baılap, jol boıymen jetektep bara jatqan sát túsirilgen beınejazba tarady.
Atalǵan derek boıynsha polıtsııa qyzmetkerleri tekserý júrgizip, júrgizýshiniń kim ekenin anyqtady. Tekserý nátıjesinde janýardyń jaraqattanbaǵany belgili boldy.
– Oqıǵaǵa baılanysty júrgizýshige qatysty janýarlarǵa qatygezdik kórsetý jáne tasymaldaý qaǵıdalaryn buzý derekteri boıynsha eki ákimshilik hattama toltyryldy, – dep habarlady Shymkent qalasynyń polıtsııa departamenti.
Polıtsııa janýarlardy tasymaldaý kezinde belgilengen talaptardy saqtap, olardyń qaýipsizdigine qater tóndiretin áreketterge jol bermeýge shaqyrdy.
Buǵan deıin Shymkent kóshelerinde qaraýsyz júrgen jylqylar turǵyndardyń narazylyǵyn týdyrǵanyn jazǵan edik.
