Shymkentte jylan kóbeıip ketti

ShYMKENT. KAZINFORM — Aýladan jylan shyqsa birden 112 nómirine habarlasý qajet.

Jyl basynan beri shymkenttik qutqarýshylar jylan shyqty degen qońyraýmen 25 márte shaqyrtýǵa barǵan.  

Bul kórsetkish ótken jyldyń sáıkes kezeńimen salystyrǵanda 9-ǵa kóp. ıAǵnı, byltyr osy aralyqta qutqarýshylar 16 ret jylan ustaýǵa shaqyrtý alǵan. 

Shymkent qalasy tótenshe jaǵdaılar departamentiniń mamandary turǵyndarǵa jylandy kórgen kezde alshaq bolýǵa, óz betinshe ustamaýǵa keńes beredi. 

— Eger 112 qyzmetine turǵyn úılerge nemese sharýashylyq qurylystaryna jylandar kirip ketkeni týraly, ári bul adamdardyń ómirine qaýip tóndiretini jóninde habarlama kelip tússe, qutqarýshylar birden kómekke shyǵady. Olar jylandardy ustap, qaýipsiz jerge shyǵarady. Biz úshin barlyq jylandar ýly bolyp esepteledi. Olardyń adam ómirine qanshalyqty qaýipti ekenin tıisti mamandar anyqtaýy tıis. Aıta ketý kerek, jylandardyń taralýynyń aldyn alý qutqarýshylardyń jaýapkershiligine kirmeıdi, — delingen vedomstvo aqparatynda.

Al, tabıǵat qorǵaýshy, «Syrdarııa-Túrkistan» memlekettik óńirlik tabıǵı parkiniń ǵylymı qyzmetkeri Ǵanı Nazarbek mamyr aıynda jyldandardyń belsendiligi artatynyn jetkizdi. 

— Shymkent aýmaǵy jyldan jylǵa ulǵaıyp jatyr. Burynǵy egistik alqaby bolǵan dalalyq jerlerge qazir turǵyn úıler salyndy. Jańa móltekaýdandar boı kóterip jatyr. Bálkim, buryn onda jylandardyń uıasy bolǵan shyǵar. Sondaı-aq, qazir jylandardyń belsendiligi artatyn kezeń. Kúndiz ary-beri jyljyp, qorektenedi. Sondyqtan bul qalypty jaǵdaı dep qabyldaý qajet, — deıdi Ǵanı Nazarbek.  

Aıta keteıik, budan buryn Almatyda úı janýarlaryn qaraýsyz qaldyrýǵa tyıym salynatynyn jazǵan bolatynbyz.