Shymkentte jyl basynan beri sheteldiktermen neshe azamat neke qıdyrǵan
ShYMKENT. KAZINFORM — Shymkentte sheteldiktermen otbasyn quratyn juptar sany artqan.
Shymkent qalasy boıynsha «Azamattarǵa arnalǵan úkimet» memlekettik korporatsııasynyń fılıaly neke tirkeý kórsetkishterine qatysty statıstıkalyq málimetterdi jarııalady.
Ótken jyly Shymkent qalasynda 7658 neke tirkelgen. Al 2026 jyldyń alǵashqy tórt aıynda 2134 jup resmı túrde otaý qurǵan.
Fılıaldyń málimetinshe, qalada shetel azamattarymen neke qııý kórsetkishi artqan. Máselen, 2025 jyly shetel azamattarymen 303 neke tirkelgen. Al 2026 jyldyń basynan beri 101 jup zańdy túrde nekesin rásimdegen. Ótken jyldyń sáıkes kezeńinde bul kórsetkish 81 jup bolǵan.
— Shetel azamatymen nekege turý úshin taraptar qajetti qujattardy aldyn ala daıyndaýy qajet. Atap aıtqanda, eki azamattyń jeke basyn kýálandyratyn qujattary, sondaı-aq sheteldik azamattyń óz eliniń ýákiletti organy bergen nekege turýǵa quqyq qabilettiligi týraly anyqtamasy usynylady. Bul anyqtamaǵa mindetti túrde apostıl qoıylyp, qazaq nemese orys tiline aýdarylyp, notarıaldy túrde kýálandyrylýy tıis, — delingen resmı habarlamada.
Aıta keteıik, ótken jyly Shymkent qalasynda 7335 neke tirkelgen.
Budan buryn elimizde jyl basynan beri neshe jup nekesin qıdyrǵanyn jazǵan edik.
