Shymkentte jyl basynan beri 55 jasóspirim bosanyp qalǵan

ShYMKENT. KAZINFORM — Shymkentte jyl basynan beri kámelet jasyna tolmaǵan 73 qyz júkti bolǵan. Onyń 55-i sábıin dúnıege ákelgen.

Bul týraly qala ákimdiginde ótken jıynda belgili boldy.

Qalalyq densaýlyq saqtaý basqarmasy basshysynyń orynbasary Sáýle Dúısenbaevanyń aıtýynsha, byltyr Shymkentte 54 jasóspirim ana atanǵan. 

«2024 jyly 5 aıda qala boıynsha bosanǵan jasóspirimder sany — 55, 2023 jyly — 54. Bıyl 5 aıda qala boıynsha RSB portaly arqyly bosanǵan jasóspirimder sany — 44. Onyń bireýi 15 jasqa tolmaǵan, beseýi — 16, qalǵan 38-i — 17 jasta», -deıdi basqarma basshysynyń orynbasary. 

Mamandar erte júktiliktiń aldyn alý boıynsha túrli baǵdarlamanyń júrgizilip jatqanyn aıtyp otyr.

Biraq nátıjesi kóńil kónshitpeıdi.