Shymkentte jıhaz tsehy órtendi
ASTANA. KAZINFORM – Shymkent qalasynda jıhaz tsehynan shyqqan órt oqshaýlandy, dep habarlaıdy Tótenshe jaǵdaılar mınıstrligi.
Órt Sasbuqaev kóshesinde ornalasqan bir qabatty jıhaz tsehynda bolǵan.
Oqıǵa ornyna alǵashqy órt sóndirý bólimsheleri kelgen kezde ǵımarattyń ashyq jalynmen janyp jatqany anyqtaldy. Órt sóndirý shtaby qurylyp, órt oqpandary berildi.
TJM kúshteri men quraldary shaqyrýdyń joǵary dárejesi boıynsha jumys istedi.
– Naqtylanǵan málimet boıynsha órt bir qabatty jıhaz tsehynda jáne onyń janynda ornalasqan dúkende shyqqan. Oqıǵanyń alǵashqy mınýttarynan bastap TJM kúshteri men quraldary jumyldyrylyp, úzdiksiz sý berý qamtamasyz etildi, – delingen habarlamada.
Órtti sóndirý kezinde jıhaz tsehy ǵımaratynyń shatyry opyrylyp túsken.
112 jelisine zardap shekkender týraly aqparat túsken joq.
Qazirgi ýaqytta órtti tolyq sóndirý jumystary jalǵasyp jatyr.
Aıta keteıik, Baıanaýyl ulttyq parkinde orman órti shyqty.
