Shymkentte jer úıden órt shyǵyp, 54 jastaǵy er adam qaza boldy

Shymkentte jeke turǵyn úıde órt bolyp, 54 jastaǵa er adam qaıtys boldy, dep habarlaıdy Kazinform.

Oqıǵa Turan aýdanyna qarasty Jańǵaqty kóshesinde boldy. Jeke turǵyn úıde shyqqan órt saldarynan 1970 jyly týǵan er adam qaza boldy.

Shymkent qalasy Tótenshe jaǵdaılar departamentiniń boljamy boıynsha, órttiń shyǵý sebebi otty durys qoldanbaýdan bolǵan. Qazirgi tańda órt-synaq zerthanasy jáne sot-medıtsınalyq saraptamasy taǵaıyndaldy.

«Ýly gazdan ýlaný oqıǵalaryn boldyrmaý maqsatynda Tótenshe jaǵdaılar departamenti tarapynan halyq arasynda túsindirme jumystary turaqty túrde júrgizilip keledi. Oqıǵa oryn alǵan aýmaqta 15 tamyz ben 15 qyrkúıek aralyǵynda «Órt qaýipsizdigi aılyǵynyń» aıasynda úgit-nasıhat jumystary júrgizilgen» delingen departamenttiń qoǵammen baılanys toby taratqan aqparatta.