Shymkentte jemqorlyqtyń jolyn kesýge úles qosqan 5 turǵyn qarjylaı syılyq aldy
ShYMKENT. KAZINFORM – Sybaılas jemqorlyq týraly habarlama jasaǵan Shymkent qalasynyń turǵyndaryna 9 mln. teńgege jýyq qarjy tólendi. Bul týraly Shymkent qalasy boıynsha Sybaılas jemqorlyqqa qarsy qyzmet bastyǵy Qanat Súleımenov málimdedi.
Sybaılas jemqorlyq quqyq buzýshylyq týraly habarlaǵan nemese sybaılas jemqorlyqqa qarsy is-qımylǵa ózgeshe túrde járdemdesetin adamdarǵa zańnamalyq túrde birjolǵy aqshalaı syıaqylar belgilengen. Bıylǵy jyldyń 9 aıynda Shymkent qalasynyń 5 turǵynyna departament 8,8 mln teńgege tóledi.
«Atalǵan tulǵalardyń sybaılas jemqorlyq quqyq buzýshylyqtary týraly habarlaýynan keıin jemqorlyqtyń joly kesilip, sot úkimderi shyqty. Megapolıs turǵyndary sybaılas jemqorlyq týraly aqparatty habarlaýy úshin departament tarapynan qalanyń túrli oryndarynda senim telefondary jazylǵan jaryq grafıka uıymdastyrylyp jatyr. Sybaılas jemqorlyqqa qarsy qyzmettiń 1424 CaII-ortalyǵy táýlik boıy jumys isteıdi» - dep jazdy Qanat Súleımenov Facebook-tegi paraqshasynda.
Aıta keteıik, budan buryn M. Áýezov atyndaǵy Ońtústik Qazaqstan ýnıversıtetiniń basshysy kúdikke ilingenin jazǵan bolatynbyz.
