Shymkentte jeke turǵyn úı órtenip, 22 jastaǵy er adam kúıip qaldy

ShYMKENT. KAZINFORM - Oqıǵa Turan aýdanyna qarasty Bıbarys Sultan kóshesinde boldy.

Jeke turǵyn úı men esik aldyndaǵy bastyrmany jáne kólik turaǵy men «VAZ» markaly jeńil kólikti órt shalǵan. Saldarynan 2002 jyly týǵan er jigittiń denesin kúıik shalyp, gıperbarıkalyq oksıgenatsııa ortalyǵynyń jansaqtaý bólimine jatqyzyldy. 

«Oqıǵa ornyna Shymkent qalasy Tótenshe jaǵdaı departamentine qarasty №5 órt sóndirý bóliminiń 17 qyzmetkeri men 4 tehnıkasy jáne apattar medıtsına ortalyǵynan 3 maman men 1 tehnıka jumyldyryldy. Órttiń shyǵý sebebi anyqtalýda» - delingen Shymkent qalasy TJD qoǵammen baılanys toby taratqan aqparatta.