Shymkentte jeke kásipker túrmege telefon ótkizbek bolǵan

ShYMKENT. KAZINFORM – Qazirgi tańda atalǵan derekke qatysty sotqa deıingi tergep-tekserý jumystary taǵaıyndaldy. Bul týraly Shymkent qalasy jáne Túrkistan oblysy boıynsha qylmystyq-atqarý júıesi departamentiniń baspasóz qyzmeti málimdedi.

Oqıǵa Shymkent qalasy jáne Túrkistan oblysy boıynsha qylmystyq-atqarý júıesi departamentine qarasty №53 mekemesinde boldy. Jedel bóliminiń qyzmetkerlerimen ózindik qaýipsizdik tobynyn mamandary birlesip jedel izdestirý is-sharalaryn júrgizgen. Nátıjesinde mekemeniń úshinshi baqylap ótkizý beketinde jeke kásipkerge tıesili avtokólikten uıaly telefondar men sım kartalar tabyldy. 

«Tekserý barysynda 24 dana sensorly uıaly telefon, 7 dana qulaqqap, 7 dana qýattaǵysh, 4 dana symsyz qulaqqap jáne 7 dana belaın sım kartasy tárkilendi. Atalǵan derekke qatysty sotqa deıingi tergep-tekserý jumystary taǵaıyndaldy» - delingen Shymkent qalasy jáne Túrkistan oblysy boıynsha qylmystyq-atqarý júıesi departamentiniń baspasóz qyzmeti taratqan aqparatta.

Aıta keteıik, budan buryn Shymkentte 10-nan astam qylmystyq top ustalǵanyn jazǵan bolatynbyz.