Shymkentte jattyqtyrýshylar men ádiskerlerge biliktilik sanattary negizsiz berilgen
ShYMKENT. KAZINFORM - Shymkent qalasy boıynsha Sybaılas jemqorlyqqa qarsy qyzmet pen qalalyq dene shynyqtyrý jáne sport basqarmasy birlesip sport salasyndaǵy sybaılas jemqorlyq táýekelderine syrtqy taldaý júrgizdi. Nátıjesinde jattyqtyrýshylar men ádiskerlerge biliktilik sanattary negizsiz berý jaǵdaılary anyqtaldy.
Atap aıtar bolsaq, aýyr atletıka, jekpe-jek jáne taǵy basqa sport túrleri uıymdarynyń 19 jattyqtyrýshysy jáne 13 qyzmetkerleri jalǵan qujattar negizinde «Biliktiligi joǵary deńgeıdegi birinshi sanatty jattyqtyrýshy» jáne «Biliktiligi joǵary deńgeıdegi birinshi sanatty ádisker» ataqtaryn negizsiz alǵan.
«Bul faktiler tıisti vedomstvolyq baqylaýdyń bolmaýynan, adamı faktordan jáne biliktilikti berý protsesterin tsıfrlandyrylmaý saldarynan bolǵan. Qalanyń Antıkor bastamasy boıynsha olar biliktilik sanattarynan aıyrylǵan. Qazirgi tańda negizsiz tólengen ústemeaqylardy bıýdjetke qaıtarý boıynsha jumystar júrgizilip jatyr» - delingen Shymkent qalasy boıynsha departamenti taratqan aqparatta.
Eske salsaq, buǵan deıin Shymkentte turǵyn úılerdiń jylytý maýsymyna daıyndyǵy tómen ekenin habarlanǵan bolatyn.
